வவுனியாவில் இப்பிடியும் நடக்குதுங்கோ...!!! த.பிரதாபன்

வவுனியா குளத்தின் அருகேயுள்ள, குடியிருப்பு பிள்ளையார் கோவிலுக்கு அண்மையில் அமைந்துள்ள கலாச்சார மண்டபம்,

மிக நீண்ட காலமாக ராணுவத்தினர் வசம் இருந்து வந்தது.

இதனை ராணுவத்தினரிடம் இருந்து மீட்பதற்காக வவுனியாவில் அக்கறை கொண்டுள்ளோர், பல முயற்சிகள் எடுத்தனர்.

இதன் காரணமாக அண்மையில் மக்கள் பாவனைக்காக இம்மண்டபம் உரிய அதிகாரிகளிடம் கையளிக்கப் பட்டது.

ஆனாலும் கடந்த 3 மாதங்களாக இம் மண்டபம் பாவிக்கப் படாமலும், பராமரிக்கப் படாமலும் இருப்பதாக, வவுனியாவில் அக்கறையுள்ள நல்லவர்கள் கவலை வெளியிட்டுள்ளனர்.

"கிடைக்கவில்லை கிடைக்கவில்லை என்று ஏங்கி நின்றார்கள். கிடைத்த பின் தூங்குகின்றார்கள்"

இது எந்தவகையில் நியாயமானது என்று குமுறத் தொடங்கியுள்ளதாக அறிய முடிகிறது.

உரிய அதிகாரிகளின் அசமந்தப் போக்கானது, மக்கள் மத்தியிலும், கலைஞர்கள் மத்தியிலும் பெரும் அதிருப்தியை ஏற்படுத்தி வருவதாக தெரிய வருகிறது.

இம்மண்டபத்தை ஒழுங்காக பராமரிக்க முடியாத நிலையில் உள்ளதால், இம் மண்டபமானது இரவு வேளைகளில் சமூக விரோதச் செயல்களுக்கும்,

தீய செயல்களுக்கும் புகலிடமாக மாறிவருவதாக உள்ளூர் வாசிகள் குசுகுசுப்பதாக செய்திகள் கசியத் தொடங்கியுள்ளது....!!

வவுனியாவில் அக்கறை கொண்டு செயற்பட்டு வரும் சமூக ஆர்வலர்களும், அரசியல் துறைசார்ந்தவர்களும்,

அரச அதிகாரிகளும் இம் மண்டபத்தை விரைவில் புனரமைத்து மக்கள் பாவனைக்கு விடவேண்டுமென மக்கள் எதிர்பார்த்துக் காத்திருக்கிறார்கள்.

வடமாகாண சபையினர் இதுவரை 48% ஆன நிதியினைத்தான் வடமாகாணத்தின் அபிவிருத்திக்காக செலவு செய்துள்ளதாக அறிய முடிகிறது.

மீதமாக உள்ள 52% நிதி திரும்பிப் போகும் நிலையில் உள்ளதாக மக்கள் ஆதங்கப் பட்டுவருகிறார்கள்.

இவ்வாறு அநியாயமாக திரும்பிச் செல்ல உள்ள நிதியில் இருந்து பெற்று இம்மண்டபத்தை திருத்தலாம் தானே என கலைத்துறை சார்ந்தவர்கள் கருத்து வெளியிட்டு வருவதாக அறிய முடிகிறது.

என்னமோ ஏதுவோ... சட்டுப் புட்டுன்னு ஒரு முடிவுக்கு வாங்கப்பா....!!

இப்பிடியே சோர்ந்து கிடப்பது நமது மண்ணுக்கும் சரி, மக்களுக்கும் சரி ஆகாதுங்கோ....!!

உரிய அதிகாரிகள் உசாராக செயற்பட வேண்டுமென்று மக்கள் கேக்குறாங்களுங்கோ...!!!

நன்றி